* Woanst Du? *

Tropf’n aus deine blaua Aug’n, über’d Wangen… salzig san’s. “ Woana, reinigt dei Seel’ “ sag i immer - doch heit’ is des anders irgendwie!

Nix is passiert… nix…. trotzdem hot mi was geniert. Es sand de Gedank’n an di, de Sehnsucht, des Gfühl, de Liab und da Schmerz ganz tiaf in mia drin…… neamand bricht mia as Herz!

I woaß einfach, mia kean z’samm und trotzdem trennt uns grad Zeit und Raum! Du hast des, ja, i woaß du fühlst des aa, des is g’wiß… Warum is des Leb’n manchmoi a so a G’schiß??

• BINA *